ԱԺ ՀՅԴ խմբակցության պատգամավոր Աղվան Վարդանյանը համոզված է, որ Երևանի ՀՀԿ-ական քաղաքապետ Տարոն Մարգարյանը լավ քաղաքապետ չէ և նա միայն լավ ֆոն է ապահովում ՀՀԿ-ի համար:
«Հայաստանում մեր քաղաքացիները փոփոխություն են ուզում: Բոլորը գիտակցում են, որ այսպես շարունակվել չի լինի»,ասաց Աղվան Վարդանյանն ու հավելեց, որ ՀՀԿ-ի մենիշխանությունը շարունակվում է և գոյություն ունի մեկ խնդիր, այն է՝ ՀՀԿ-ին զրկել Երևանում իշխանությունից։
Աղվան Վարդանյանի համոզմամբ Տարոն Մարգարյանը պատահական քաղաքապետ է, քանի որ, Երբ Գագիկ Բեգլարյանին ազատեցին քաղաքապետի պաշտոնից նրան փոխարինեց ՀՀԿ ավագանու ցուցակի 5-րդ տեղը զբաղեցնող Կարեն Կարապետյանը և միայն վերջինիս հեռանալու դեպքում է, որ Տարոն Մարգարյանին նշանակեցին քաղաքապետ:
«Երևանը պետք է ընդդիմադիր քաղաքախպետ ունենա»,- առանձնացրեց Դաշնակցական պատգամավորն ու շեշտեց.«Զոռով իշխանություն պահելը լավ տեղ չի տանում»:
