Հայաստանի նախագահի թեկնածու, «Ազգային Համաձայնություն» կուսակցության առաջնորդ Արամ Հարությունյանը նախագահական ընտրությունների քարոզարշավը բաժանում է երկու մասի.«Մինչ մահափորձ և մահափորձից հետո»,- այսօր լրագրողների հետ հանդիպման ժամանակ ասաց Արամ Հարությունյանն ու անդրադառնալով Պարույր Հայրիկյանի դեմ իրականացված մահափորձին և դրա վերաբերյալ հայտարարություններին, թե մահափորձը կարող է պատվիրված լիներ դրսից` ասաց.« Անել նման անպատասխանատու հայտարարություն, կներեք սա քաղաքական ավանտյուրա է»:
Բանախոսին զարմացրել է այն հանգամանքը, որ Պարույր Հայրիկյանի դեմ իրականացված մահափորձը բավականին ակտիվ լուսաբանվել է լրատվամիջոցներով ` հատկապես այն, որ մահափորձի վարկածներից ուշադրության կենտրոնում է եղել Ռուսաստանի կողմից կազմակերպված լինելու վարկածը:
Նախագահի թեկնածուն համոզված է, որ գործող նախագահին շնորհավորող էր հարկավոր և այսօր կա այդ մարդը` դա Պարույր Հայրիկյանն է:
«Քիլլերի դեմքը, եթե տեսնում են նա մինչև վերջին փամփուշտը կդատարկեր»,- ասաց բանախոսն անդրադառնալով Պարույր Հայրիկյանի այն հայտարարությանը, թե տեսել է իր վրա կրակողի դեմքը:
Արամ Հարությունյանը նշեց նաև, որ Պարույր Հայրիկյանի դեպքը հեռուստաընկերությունները երգչուհի Լիլիթ Հովհաննիսյանից ավելի շատ են ցույց տալիս:
Փաշինյանը նշել է Թուրքիայի և Ադրբեջանի հետ երկաթուղային կապերի բացման համար տեխնիկական խնդիրների լուծման ժամկետները 
