«Հայկական ժամանակ» թերթը գրում է.
«Կառավարության երեկվա նիստում, երբ էներգետիկայի և բնական պաշարների փոխնախարար Լևոն Շահվերդյանը ներկայացրել է էլեկտրաէներգիայի ապօրինի սպառման դեմ մշակվող մեթոդիկայի նախագիծը, հետաքրքիր միջադեպ է տեղի ունեցել: Շահվերդյանը նախագծում փոքրիկ փոփոխություններ անելու համար մեկ օր ժամանակ է խնդրել վարչապետից, հայտնելով, որ Բաղրամյան 26-ից որոշակի տեխնիկական բնույթի առաջարկներ են ստացվել:
«Նախագահականից էին զանգել՝ իրավաբանական բաժնից, և տեխնիկական բնույթի առաջարկ են ներկայացրել»,- պարզաբանել է փոխնախարարը, ինչին ի պատասխան Հովիկ Աբրահամյանը, որը հայտնի է հատկապես փոխնախարարների նկատմամբ ոչ այնքան դրական վերաբերմունքով, հեգնել է. «Լավ ա զանգին պատասխանել ես: Բա որ չպատասխանեիր… Ո՞ւմ էինք մի կտոր հաց տվել…»:
Ավելի մանրամասն կարդացեք թերթի այսօրվա համարում:
«Հայաստանը հանուն խաղաղության իր բաժին ներդրումն ունենալու հարցում վճռական է». Փաշինյանը՝ Հռոմի պապին 
