«ՀՀ ԱԺ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը՝ Թունելի Հակոբը, դասվում է ամենահարուստ պատգամավորների շարքին։ Փաստորեն Աժ սոցիալական հարցերի մշտական հանձնաժողովի նախագահը անցած տարվա համար հայտարարագրել Է 26 մլն 700 հազար դրամ և 132 հազար դոլար դրամական միջոց։ Իսկ պատգամավորի ամսական աշխատավարձը կազմում Է 416 հազար դրամ։ Սակայն. ինչպես իշխանական պատգամավորների մեծամասնության դեպքում, Հակոբյանը ևս աշխատավարձով չի ապրում։
Նա անցած տարի, որպես շահաբաժին, ստացել Է 102 մլն դրամի եկամուտ։ Անցած տարի ազգընտիրը վաճառել է «Mercedes-Benz E300 D» մակնիշի ավտոմքենա։ Ի դեպ, հայտարարագրում ոչինչ նշված չէ նոր ավտոմեքենա գնելու մասին։ 2012 թվականին պատգամավոր դառնալիս նա հայտարարագրել էր 9 հողամաս, 3 հատ հողին ամրացված անշարժ գույք, 3 հատ անավարտ շինություն, մեկ անհատական բնակելի տուն և 4 ընկերությունների բաժնեմասեր»,- գրում է թերթը։
Ավելի մանրամասն կարդացեք թերթի այսօրվա համարում:
