Ինչպես արդեն հայտնել ենք՝ դեկտեմբերի 6-ին և լույս 7-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 240 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 /140 արկ/, 82 /415 արկ/, 120 /67 արկ/ միլիմետրանոց ականանետերից, ՀԱՆ-17 /20 արկ/ և ՌՊԳ-7 /2 արկ/ տիպի նռնականետերից, հայ դիրքապահների ուղղությամբ արձակվել է ավելի քան 4300 կրակոց: Հակառակորդը կիրառել է նաև TR-107 տիպի զենիթահրթիռային կայանք /63 արկ/:

Ադրբեջանի պաշտպանության նախարարությունն էլ հաղորդում է սահմանին ադրբեջանական բանակի ավագ լեյտենանտ Աբդուլլա Մոլլաևի մահվան մասին, փոխանցում է ադրբեջանական Trend գործակալությունը:

Ադրբեջանական կողմի փոխանցմամբ՝ Մոլլաևը վիրավորվել է հայկական կողմի կրակից և մահացել է հիվանդանոցում։