Ընտրություններից 2 օր է անցել ու այդ երկու օրվա մեջ մեր ընդդիմադիր կոչված ուժը նորից տապալեց ժողովրդի հույսերը: Լևոն Զուրաբյանը կրկին խոսում է ու իմ համար զարմանալի է, թե այդ մարդն ինչ իրավունքով է խոսում ժողովրդի անունից ու միասնականության կոչ անում, երբ ինքը ԱԺ նիստերը բոյկոտելու մասին հայտարարություն է անում ու իր 7 հոգանոց խմբակցությունից նիստը բոյկոտում են 3 հոգի: Ի՞նչ իրավունքով է խոսում Ժողովրդի քվեների մասին, երբ ամբողջ քարոզարշավի ընթացքուն միայն խոսեց ու ուրիշ ոչինչ չարեց:
Ժողովուրդը կարող է ասել՝ Իշխանությունները վատն են, իսկ ընդդիմադիր գործիչը դրա իրավունքը չունի, որովհետև ինքն այդ իշխանության մի մասն է ու եթե իշխանությունը վատն է ուրեմն վատն է իր բոլոր օղակներով, իսկ այդ օղակների մեջ մտնում է նաև ընդդիմութունը, որովհետև պատգամավոր լինելն էլ է իշխանության լծակներ տալիս:
Մեր մոտ դեռ ընդդիմադիրներն ու հարթակին կանգնողները չունեն այնքան համարձակություն, որ իրենց վրա ինչ-որ պատասխանատվություն վերցնեն ու միշտ մեղավորներ են փնտրում, իսկ իրենց որպես սուրբ են ներկայացնում:
Հ.Գ. Իշխանությունը ժողովրդի համար չի կարող լավը լինել, որովհետև ժողովուրդը միշտ պահանջատեր է ու եթե մարդիկ մի օր ասեն իշխանությունը լավն է ուրեմն հասարակությունը հիվանդ է:,

Էդգար Սասունցի Խաչատրյան