Դեկտեմբերի 12-ին ոստիկանության անձնագրային և վիզաների վարչությունում տեղի ունեցավ խորհրդակցություն, որը վարում էր ոստիկանության պետի տեղակալ Անուբաղ Համբարյանը: Այս մասին տեղեկացնում է ՀՀ ոստիկանության լրատվության և հասարակայնության հետ կապերի վարչությունը:
Անուբաղ Համբարյանը ոստիկանության անձնագրային և վիզաների վարչության անձնակազմին փոխանցեց ՀՀ ոստիկանության պետ, գեներալ-լեյտենանտ Վլադիմիր Գասպարյանի շնորհակալական խոսքը՝ 2015 թվականի դեկտեմբերի 6-ին կայացած ՀՀ Սահմանադրության փոփոխությունների հանրաքվեին մասնակցելու իրավունք ունեցող քաղաքացիների ցուցակներում ճշգրտումներ իրականացնելու, հնարավոր անճշտությունները վերացնելու ուղղությամբ աշխատանքները բարձր պատասխանատվությամբ և բարեխղճորեն կատարելու համար:
Ընթերցվեց ՀՀ ոստիկանության պետի հրամանը՝ ոստիկանության անձնագրային և վիզաների վարչության մի խումբ ծառայողների խրախուսելու վերաբերյալ:
Ոստիկանության պետի տեղակալ Անուբաղ Համբարյանը շնորհավորեց խրախուսված ծառայողներին և հանդիսավոր կերպով նրանց հանձնեց ոստիկանության պետի հրամանով տրված պարգևները:
Խորհրդակցության ընթացքում ներկայացվեց նաև ոստիկանության անձնագրային և վիզաների վարչության պետի հրամանը՝ անձնագրային և վիզաների վարչության մի խումբ ծառայողների խրախուսելու մասին:
Խորհրդակցության ընթացքում քննարկվեցին նաև առաջիկա անելիքներին առնչող հարցեր:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
