Ավան և Նոր Նորք վարչական շրջանների ընդհանուր իրավասության դատարանում արդեն չորրորդ անգամ հետաձգվեց Վ. Սարգսյանի անվան ռազմական ինստիտուտում սպանված կուրսանտ Հայկազ Բարսեղյանի գործով դատական նիստը, որը նախագահում է դատավոր Դավիթ Հարությունյանը:
Պատճառն այն էր, որ նիստին չէին ներկայացել ամբաստանյալ Գնել Թորոսյանի պաշտպան Արա Զաքարյանը և ամբաստանյալ Մովսես Ազարյանի պաշտպան Անահիտ Հովհաննիսյանը:
Նախագահող դատավորը հայտարարեց, որ հաջորդ դատական նիստին ստիպված է լինելու սանկցիա կիրառել փաստաբանների նկատմամբ, քանի որ վերջիններս ըստ պատշաճի ծանուցված են եղել նիստի մասին:
Հաջորդ դատական նիստը տեղի կունենա դեկտեմբերի 24-ին՝ ժամը 11.00-ին:
Նիստից հետո սպանված կուրսանտ Հայկազ Բարսեղյանի հայրը վրդովված նշեց, որ ինքը միտում է տեսնում:
«Կարծում եմ, որ ընդհանրապես չեն էլ ուզում, որ այս տարի նիստ լինի»,-ասաց նա:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
