17:33 - 25/Ապրիլ/2013

Նշանավոր մարդկանց ամենաթանկ ամուսնալուծությունները (Photo)

Риа Новости գործակալությունը ներկայացրել է նշանավոր մարդկանց ամենաթանկ բաժանումները: Այդ ցուցակում ընդգրկվել են Իտալիայի նախկին վարչապետ Սիլվիո Բերլուսկոնին, Ռոման Աբրամովիչը, Բորիս Բերեզովսկին և այլն:

1. Սիլվիո Բերլուսկոնի և Վերոնիկե Լարիոնե

Միլանի վճռաբեկ դատարանը չորեքշաբթի երեկոյան մերժել է Իտալիայի նախկին վարչապետ Սիլվիո Բերլուսկոնիի հայցը, որով Բերլուսկոնին թույլտվություն էր խնդրում դադարացնել ալիմենտների վճարումները նախկին կնոջը` Վերոնիկե Լարիոյին: Վերաքննիչ դատարանը որոշում է ընդունել անփոփոխ թողել առաջին ատյան դատարանի որոշումը, որով Բերլուսկոնին ամուսնալուծությունից հետո իր երկրորդ կնոջը պետք է վճարի ամսեկան 3 մլն եվրո:

Բերլուսկոնին ծանոթացել է Լարիոյի հետ 1980 թվականին և տաս տարի անց նրա հետ պաշտոնապես ամուսնացել: Իր ամուսնու հետ ամուսնալուծման մասին Վերոնիկան հրապարակայնորեն հայտնեց 2009 թվականի մայիսիսն: 76 ամյա Բերլուսկոնին կնոջ հետ ամուսնալուծվելուց և մի շարք սկանդալային դեպքերից հետո, այժմ ջերմ հարաբերությունների մեջ է 27-ամյա նեապոլիտանուհի Ֆրանչեսկա Պասկալեի հետ:

2. Մադոննա և Գայ Ռիչի

Մադոննա և Գայ Ռիչի զույգում փոխահատուցումը վճարել է կինը, որը յոթ տարվա ընթացքում կազմել է 76-92 մլն դոլար: Այս գումարի մեջ նաև մտել է Անգլիայի Էշկոմ կալվածքի վարձավճարը: Ամուսնական զույգը պայմանավորվել են համատեղ կիսել ընդհանուր որդու Ռոկոյի և 2006 թվականին որդեգրած Դևիդի խնամքը: Մադոնայի աղջիկ Լուրդեսը մնացել է վերջինիս մոտ:

3. Սթիվեն Սփիլբերգ և Էմի Իրվինգ

Ամերիկացի կինոռեժիսոր, սցենարիստ և պրոդյուսեր Սթիվեն Սփիլբերգի առաջին ամուսնությունը հաջողակ չի եղել: Նա և կինոդերասանուհի Էմի Իրվինգը համատեղ ապրել են միայն չորս տարի 1985-1989 թվականները: 1989 թվականին Սփիլբերգի հարստությունը կազմում էր 200 մլն դոլար: Այս գումարի կեսն ամուսնալուծության ժամանակ ստացել է Իրվինգը:

4. Լորդ Ջասթին Փորթման և Նատալիա Վոդիանովա

Լորդ Փորթմանի հետ ինը տարի ամուսնությունից հետո սուպերմոդել Նատալիա Վոդիանովան ամուսնալուծվեց: Ինչպես նշում են անգլիական լրատվական միջոցները, հաստատվել է ամուսնական դավաճանության փաստ: Երեխաները մնացել են հոր մոտ: Ընտանիքին մոտ գտնվող աղբյուրների համաձայն Նատալիան պայամանավորվել է լորդի հետ վճարել 10 մն դոլար ալիմենտներ:

5. Դմիտրի Ռոբոլովլև և Ելենա

«Уралкалия» կազմակերպության նախկին սեփականատեր Դմիտրի Ռոբոլովլևը և Ելենան ամուսնացել են 1987 թվականին, իսկ 2008 թվականին Ելենան ամուսնալուծվեց Շվեցարիայում, որտեղ ապրում էր ամուսնական զույգը: Դրանից հետո գործը տեղափոխվեց Գերագույն դատարան: Միլիարդատերի կինը դատական գործընթացների ժամանակ պահանջում էր Ֆլորիդայում գտնվող առանձնատունը և Նյու Յորքում գտնվող բնակարանը: Ընդհանուր առմամբ միլիարդատերի կինը պահանջում էր վերջինիս ունեցվածքի կեսը, որը գնահատվում է 9 մլրդ դոլար:

6. Առնոլդ Շվարցենեգեր և Մարիա Շրայվեր

2011 թվականի գարնանը Կալիֆորնիայի նախկին նահնագապետ և կինոդերասան Առնոլդ Շվարցենեգերը իր կին Մարիա Շրայվերի հետ 25 տարի ամուսնական կյանքից հետո ընդունեց, որ ինքը նախկին դայակի երեխայի հայրն է: Վիրավորված կինը հայտնեց, որ բաժանվում և պահանջում է միլիարդատերի ունեցվածքի կեսը, սակայն քիչ անց հայտարարեց, որ հնարավոր է հետ կանգնի իր որոշումից:

7. Ռուպերտ Մերդոկ և Աննա Մերդոկ

Ավսրալիացի մեդիամագնատ Ռուպերտ Մերդոկի ամուսնալուծությունը իր կին Աննայից համարվում է ամենաթանկարժեքը ժամանակակից աշխարհում: 1967 թվականաին Ռուպերտ Մերդոկը բաժանվեց իր առաջին կնոջից և ամուսնացավ Աննայի հետ: Այս ամուսնությունից նրանք ունեն երեք երեխա. աղջիկ Էլիզաբեթը և որդիներ Լախլան և Ջեյմսը: Այն բանից հետո, որ Աննան իմացավ իր ամուսնու սիրային հարաբերությունների մասին աշխատակցուհի Վենդի Դենգի հետ, սկսվեց ամուսնալուծության դատական գործընթացը, որը ավարտվեց 1999 թվականին: Դատարանի որոշումով Աննային տրվեց 1,7 մլրդ դոլար:

8. Ռոման Աբրամովիչ և Իրինան

2006 թվականի աշնանը լրատվական միջոցներում տարածվեցին լուրեր Ռոման Աբրամովիչի և Իրիանայի տարաձայնությունների մասին, որի պատճառը Աբրամովիչի հետ ռուս դիզայներ Դարիա Ժուկովայի հետ սիրային հարաբերություններն էին: 2007 թվականի մարտին ամուսնական զույգը ամուսնալուծվեց: Ամուսնական զույգի համաձայնության եկան, որ Աբրամովիչը իր կնոջը պետք է վճարի 300 մլն դոլար: