«Հրապարակ» օրաթերթը գրում է.
«Իշխանական շրջանակների համար բառացիորեն «տոներն են մոտենում, տոներն են մոտենում» վիճակ է: Նախագահականը պատրաստվում է սկսել տոնական ընդունելությունները. ի դեպ, լրագրողներին կհյուրընկալեն դեկտեմբերի 25-ին: ԲՀԿ-ում այս առումով ընդհանրապես եռուզեռ է. ամեն օր հանրաքվեից և «այլնից» հոգնատանջ ԲՀԿ-ականներն իրենց կուսակից միլիոնատերերի հրավերով գնում են մի օբյեկտ` «մի կտոր տոնական հաց ուտելու»:
ԲՀԿ-ականների մոտ ամանորյա վերջնական ռանդեվուն կլինի դեկտեմբերի 28-ին, իհարկե` ոչ «Փարավոնում». այնտեղ նրանք վերջին անգամ եղել են տիկին Ռոզայի` Գագիկ Ծառուկյանի մոր ծննդյան տարեդարձի օրը: Ի դեպ, դեկտեմբերի 28-ին Գագիկ Նիկոլայիչը «Փարավոնում» կհավաքի ու կպարգևատրի Հայաստանի լավագույն 10 մարզիկներին: Հավաքն իր մասնակցությամբ «կգեղեցկացնի» Սերժ Սարգսյանը»:
Ավելի մանրամասն կարդացեք թերթի այսօրվա համարում:
