Երեկ Մոսկվայում 4-ամյա երեխային դաժանորեն սպանած Գյուլչեխրա Բոբոկուլովան հաշվառված է եղել հոգենյարդաբանական դիսպանսերում: Այս մասին տեղեկանում ենք «МК»-ից:
«Գյուլչերային մեզ մոտ բոլորն էին ճանաչում: Նա, մեղմ ասած, տարօրինակ կին էր: Սա իր բացատրությունն ուներ. նրա մոտ շիզոֆրենիա էին ախտորոշել: Նա դեռ վաղուց էր հաշվառված հոգեբուժարանում և համապատասխան վկայագիր էլ ուներ»,- ասում է դայակի հարազատ գյուղի թաղային պատասխանատուն:
Նրա խոսքերով, բոլոր բարեկամները, ներառյալ՝ ծնողներին, գիտեին կնոջ հիվանդության մասին: Հենց իր հիվանդության պատճառով Բոբոկուլովան աշխատանք չէր կարողանում գտնել հայրենիքում:
Ոստիկանը պատմել է նաև, որ կնոջ հետ տարօրինակություններ էին պատահում հենց գարնանը: Մարտ ամսվա մոտենալուն պես ծնողները փորձում էին նրան հոգեբուժարան տանել:
«Նրա մոտ հիվանդությունը աստիճանաբար զարգացավ: Նախկինում այդքան վառ արտահայտված չէր: Տարիների հետ սկսեց ավելի զարգանալ»,- պարզաբանում է նա:
Դայակը վերջին անգամ հիվանդանոցում անցկացրել է 2 տարի: 15 տարի առաջ նրան պառկեցրել են հիվանդանոց 2 տարով: Դրանից հետո ավելի քիչ ժամանակով: Ստացիոնար բուժումն ավարտելու անմիջապես հետո նա մեկնել է Մոսկվա և աշխատանք է գտել:
Նիկոլ Փաշինյանը պատմել է, թե ինչու է որոշել սափրվել 
