Հանդիպման ներկայացած զինծառայողների, նրանց ընտանիքների անդամների, զոհվածների հարազատների՝ պաշտպանության նախարարին ուղղված դիմումներն ու հարցերը բազմաբնույթ էին և առավելապես վերաբերում էին սոցիալական, բուժսպասարկման ու իրավական ոլորտներին:

Ծանոթանալով հանդիպմանը մասնակցող անձանց խնդիրներին և դրանց առնչությամբ պատասխանատու ստորաբաժանումների ղեկավարների պարզաբանումներին ու դիտարկումներին` Սեյրան Օհանյանը հանձնարարել է սեղմ ժամկետներում քննարկել և համապատասխան լուծում տալ բոլոր դիմում-խնդրանքներին:

Քաղաքացիների հերթական ընդունելությանը ներկայացած քաղաքացիների դիմում-խնդրանքների զգալի մասին տրվել է դրական ընթացք, որոշ հարցեր էլ լուծվել են հենց տեղում՝ պաշտպանության նախարարի հետ հանդիպման ընթացքում: