Անդրեաս Ղուկասյանը չի հանձնվելու և շարունակելու է պայքարը: Այս մասին լրագրողների հետ հանդիպման ժամանակ ասաց Անդրեաս Ղուկասյանի նախընտրական շտաբի համակարգող Արմեն Գրիգորյանը: Վերջինս տեղեկացրեց, որ նախագահի թեկնածուն շարունակելու է մինչև նախագահական ընտրություններ, իսկ դրանից հետո նա կպայքարի նոր միջոցներով:

Մինչ նոր պայքարին անցնելը, նշենք, որ Անդրեաս Ղուկասյանն արդեն 16-րդ օրն է հացադուլի մեջ է, սակայն դեռևս չի բողոքում իր առողջական վիճակից:

 «Նա ասում է, որ ամեն ինչ նորմալ է, նա մտադրված է մինչև  վերջ պայքարել նույն ոգով »,- ասաց Գրիգորյանը և ավելացրեց, որ նա չի մասնակցում ընտրապայքարին, այլ պայքարում է շինծու ընտրությունների դեմ:

 Գրիգորյանը չի բացառում նաև, որ  Անդրեաս Ղուկասյանի առողջական վիճակը կարող է վատանալ այնքան, որ  ընտրություններին մասնակցելը` անհաղթահարելի, որի արդյունքում կարող են հետաձգվել ընտրությունները:

 Անդրեաս Ղուկասյանը բժշկական հետազոտության է անցել, նրանով  առաջին անգամ երեկ անգամ առողջապահության նախարարությունից են հետաքրքրվել:

  Նախարարություւներից բացի նախարարներն էլ են Անդրեաս Ղուկասյանով հետաքրքրվում. Այսօր  ԿԳ նախարար Արմեն Աշոտյանը իր ֆեյսբուքյան էջում Ղուկասյանի հացադուլը որակել էր, որպես  դասական«reality-show»:

Աշոտյանի  գրառումն  անպատասխան  չմնաց: Yerevannews.am-ի  հարցին ի պատասխան, թե արդյոք համաձայն է այդ գրառման հետ՝ Արմեն Գրիգորյանը պատասխանեց.  

«Եթե դա իրականում «reality-show» է,  թող Գալուստ Սահակյանը պաշտոնապես չայցելի ու չճանաչի որպես պայքարի միջոց: Ինձ համար  անհասկանալի է, երբ նրանց կուսակցության փոխնախագահը այցելում է և ճանաչում դա որպես պայքաարի միջոց, իսկ մեկ ուրիշ կուսակցական ասում, որ ռեալիթի շոու է: Թողեք թող մնա ռեալիթի շոուի  մակարդակում»,_  ասաց Գրիգորյանը: