ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ բռնաբարության վերաբերյալ սուտ մատնություն կատարելու դեպքի առթիվ։
2016 թվականի մարտի 8-ին՝ ժամը 23:50-ին, Տաշիր քաղաքի բնակչուհուց ոստիկանության Տաշիրի բաժնում հաղորդում է ստացվել, որ նույն օրը՝ ժամը 22:20-ի սահմաններում, Կարեն անունով անծանոթ տղամարդը կոտրել է իր տան մուտքի դռան ապակին, բացել դուռը և դանակով սպանելու սպառնալիքով, իր կամքին հակառակ սեռական հարաբերություն է ունեցել իր հետ:
Գրավոր հաղորդման վերաբերյալ նախապատրաստված նյութերով տվյալներ են ձեռք բերվել այն մասին, որ վերջինս, նախազգուշացված լինելով հանցագործության մասին սուտ մատնության համար ՀՀ քրեական օրենսգրքի 333-րդ հոդվածով նախատեսված քրեական պատասխանատվության մասին և գիտակցելով, որ իր կողմից տրամադրվող տեղեկատվությունը կեղծ է, Տաշիր քաղաքի բնակչին մեղադրել է ծանր հանցագործություն՝ այն է բռնության գործադրմամբ և դրա սպառնալիքով իր կամքին հակառակ սեռական հարաբերություն ունենալու մեջ:
Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 333-րդ հոդվածի 2-րդ մասի 1-ին կետով (սուտ մատնություն), կատարվում է նախաքննություն:
Հայաստանը պատրաստվում է փոխել Ռուսաստանում ՀՀ դեսպանին. Ալեն Սիմոնյան 
