«Հրապարակ» թերթը գրում է.
«Վարդան Օսկանյանի «Համախմբում» կուսակցության հիմնադիր համագումարի օրն արդեն հայտնի է՝ հունիսի 18-ը։ Այս մասին ասաց նախաձեռնող խմբի ամենաանսպասելի անդամը՝ «Արաբո» ջոկատի հրամանատար Մանվել Եզիազարյանը։
Համագումարի տեղը դեռ հստակ չէ, քննարկում են «Մոսկվա» կինոթատրոնի դահլիճներից մեկի տարբերակը։ Եղիազարյանը հաստատեց մեր տեղեկությունն այն մասին, որ ինքը միայնակ չէ անդամակցում կուսակցությանը, իր մարտական ընկերներն այստեղ էլ նրան մենակ չեն թողել. «Այո, կան մարտական ընկերներ, որոնք կիսում են իմ քաղաքական հայացքները և մինչև համագումար կհայտարարեն այդ մասին»։
Նա մայիսի 1-ին է վերադարձել Արցախից, «Արաբո» ջոկատը, 2 դասակի բաժանված, Մարտունիի պաշտպանական դիրքերում է եղել։ Ավելի վաղ մեկնած դասակը 20 օր դիրքերում մնալուց հետո վերադարձել է, մյուսը դեռ այնտեղ է. «Եթե պետք լինի, նորից կգնանք»։
Ավելի մանրամասն կարդացեք թերթի այսօրվա համարում:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
