«Երկիրը ճգնաժամի մեջ է, և իսկապես այստեղ գաղջ մթնոլոտ է»,-այսօր լրագրողների հետ հանդիպման ժամանակ նման կարծիք հայտնեց ՀԺԿ նախագահ Ստեփան Դեմիրճյանը:
Նրա խոսքով` մեր երկրում շարունակվում է արտագաղթը հենց այդ գաղջ մթնոլորտի պատճառով և այս 4 տարիենրի ընթացքում 200 հազար հայաստանաբնակներ արտագաղթել են հենց դրա պատճառով:
Դեմիրճյանն այդ մթնոլորտի դեմ պայքարելու միակ տարբերակը համարում է իշխանափոխությունը, որը ըստ նրա, հնարավոր է իրականացնել նորմալ ընտրությունների միջոցով, ինչը տեղի չունեցավ այս ընտրությունների ժամանակ:
Լրագրողների այն հարցին, թե ինչո՞ւ ՀԺԿ-ն չմասնակցեց ընտրություններին, Դեմիրճյանը պատասխանեց.
«ՀԺԿ–ն չմասնակցեց ընտրություններին, քանի որ մենք կարծում էինք, որ ընդդիմությունը պետք է մասնակցեր միասնականորեն` մեկ ցուցակով: Քանի որ այդպիսի բան չեղավ, մենք էլ չմասնակցեցինք»:
Վերջինիս խոսքով` ընդդիմության այդքան քիչ ձայներ հավաքելը կապված էր նրա հետ, որ չստեղծվեց ընդհանուր դաշինք:
