Իշխանությունը սպասեց ընրությունների ավարտին և հետո նոր բացահայտեց գազի գնի թանկացման մասին լուրերը, ըստ ԱԺ ՀՀԿ խմբակցության պատգամավոր Խոսրով Հարությունյանի, իրատեսական չեն, քանի որ ՀՀ իշխանություններով չի պայմանավորված գազի գնի բարձրացումը:
Խոսրով Հարությունյանի կարծիքով պետք չէ մեծ քաղաքագետ լինել և հեռատես, որպեսզի գլուխ հանենք գազի գնի թանկացման հետ կապված Ռուսաստանի դաշնության վարած քաղաքականությունից:
«Մանկամիտ կլինի այն կարծիքը, որ Ռուսաստանը չի թանկացնելու գազը, քանի որ մենք և Ռուսաստանը լավ հարաբերությունների մեջ ենք»,- ասաց Խոսրով Հարությունյանը:
Վերջինիս խոսքով, Ռուսաստանի արտաքին քաղաքականության մեջ էներգակիրներն ունեն հատուկ դերակատարում և Հայաստանն էլ բացառություն չէ:
Այսպիսով, Հարությունյանը հերքեց այն վարկածը, որ իշխանությունները հատուկ են լռել գազի անխուսափելի թանկացման մասին:
Հարությունյանը սրա փոխարեն առաջարկում է մեր երկրում ալտերնատիվ էներգիայի աղբյուր ստեղծել և վերադասավորել սեփական կարողություները: Վերջինիս տրամաբանությամբ, իրատեսկան է նաև այն, որ գազի սակագնի թանկացումը նշանակում է սպառողական ապրանքների գների բարձրացում:
