Էրեբունի բժշկական կենտրոնից «Սասնա ծռեր» խմբի անդամ Պավլիկ Մանուկյանին այսօր տեղափոխեցին Դատապարտյալների հիվանդանոց: Նա հիվանդանոցում վիրահատության էր ենթարկվել: Ազատություն ռադիոկայանի լրագրողի հարցին, թե ինչպես է իրեն զգում, Մանուկյանը հայտարարեց, որ գերազանց:
«Գերազանց, մարտական լիցքավորված»,-ասաց նա: Իսկ այն հարցին, թե ինչպես են գնահատում, որ իրենց պահանջները իշխանությունները չեն կատարում, պատասխանեց, թե վաղ թե ուշ կատարելու են՝ «ցանկանան, թե չցանկանան»:
Հիշեցնենք, որ Պավլիկ Մանուկյանը հիվանդանոց էր ընդունվել զույգ ազդրերի հրազենային վնասվածքներով, աջ ազդոսկրի բազմաբեկոր կոտրվածքով։
Նրա փաստաբան Իննեսա Պետրոսյանը նշել էր, որ դեռևս խնդիրներ կան, ծունկն անշարժ վիճակում է գտնվում, բայց հենակների օգնությամբ է կարողանում է քայլել:
Նրան է մեղադրանք է առաջադրվել Քրեական օրենսգրքի 219-րդ հոդվածի 3-րդ մասով՝ շենքեր, շինություններ, տրանսպորտի, հաղորդակցության կամ կապի միջոցներ զավթելը և 235-րդ հոդվածով ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը։
Ըստ մեղադրանքի, նախատեսվում է մի դեպքում 6-12, մյուս դեպքում 3-8 տարվա ազատազրկում:
Նիկոլ Փաշինյանը պատմել է, թե ինչու է որոշել սափրվել 
