Արցախի Հանրապետության Նախագահ Բակո Սահակյանը նոյեմբերի 8-ին հանրապետության կենտրոնական հատվածում դիտել է պաշտպանության բանակի զորավարժությունները:
Ինչպես տեղեկացնում են Արցախի Նախագահի աշխատակազմի տեղեկատվության և հասարակայնության հետ կապերի վարչությունից, Նախագահը բավարար է գնահատել զորավարժությունների ընթացքն ու արդյունքները:
Իր խոսքում երկրի ղեկավարն ընդգծել է, որ պաշտպանության բանակը մեր անկախ պետականաշինության ամենամեծ ձեռքբերումն է, մեր երկրի անկախության, ինքնիշխանության, ժողովրդի անվտանգության ապահովման կարևորագույն երաշխիքը, տարածաշրջանում խաղաղության ու կայունության պահպանման ամենաազդեցիկ գործոններից մեկը: «Մենք` բոլորս, ողջ հայությունը հպարտանում ենք մեր քաջարի զինվորներով, ովքեր իրենց ամենօրյա համեստ ու խիզախ կեցվածքով պատվով իրականացնում են հայրենիքի պաշտպանի սուրբ առաքելությունը՝ յուրաքանչյուր վայրկյան պատրաստ լինելով կասեցնել թշնամու ցանկացած ոտնձգություն»,- նշել է Նախագահ Սահակյանը: Բակո Սահակյանի խոսքով` պաշտպանության բանակի բարձրագույն հրամանատարությունը, հրամանատարական բոլոր օղակներն այս ու մյուս զորավարժություններից կանեն անհրաժեշտ հետևություններ և կիրականացնեն համապատասխան աշխատանք զինված ուժերի մարտունակության հետևողական բարձրացման ուղղությամբ:
Նախագահ Սահակյանն արժեքավոր նվերներ է հանձնել զորավարժություններում բարձր արդյունքներ արձանագրած մի խումբ զինծառայողների:
«Ֆիլմը մեծահասակները երեխաների հետ կդիտեն առանց լարվածության, լեզուն գռեհիկ չէ ու մաքսիմալ պահպանպանված է ցենզուրան». Գրիգոր Դանիելյան
