Թուրքիայի նախագահ Ռեջեփ Թայիփ Էրդողանը երկրում սկիզբ առած տնտեսական ճգնաժամի ու ԱՄՆ դոլարի նկատմամբ թուրքական լիրայի կտրուկ արժեզրկման համար մեղադրել է հուլիսի 15-ի ռազմական հեղաշրջման փորձի ենթադրյալ կազմակերպիչ թուրք կրոնական քարոզիչ Ֆեթուլլահ Գյուլենին և նրա թիմակիցներին: Այս մասին գրում է թուրքական «Անադոլու» գործակալությունը:
Էրդողանը հայտարարել է, թե նրանք, ովքեր չկարողացան իրենց նպատակներն ի կատար ածել ռազմական հեղաշրջման միջոցով, այժմ այս ձևով են փորձում ծնկի բերել Թուրքիան:
«Վստահ եմ, բոլորդ էլ տեղյակ եք հուլիսի 15-ից հետո մեր երկրում և հատկապես տնտեսության մեջ տեղի ունեցող խաղին, որը փորձում են բեմականացնել»,- ասել է Էրդողանը:
Նախագահը ևս մեկ անգամ կոչ է արել քաղաքացիներին ԱՄՆ դոլարի դիմաց մեծ քանակությամբ թուրքական լիրա գնել և թուրք գործարարներից պահանջել է իրենց գործարքներն այսուհետ կատարել միմիայն թուրքական լիրայի միջոցով:
«Մեկին հարցրի, ասացի «Նա (գործարարի նկատի ունի-Tert.am) այստեղ առևտրի կենտրոն ուներ, ինչո՞վ է կատարում գործարքը»: Ասացին՝ դոլարով: Ասացի օգնականիս, որ զանգահարի նրան: Քիչ առաջ զանգահարեց (գործարարը), օդանավի մեջ բռնացրինք: Ասացի՝ «Այսպես, այսպես, այսքան բան է տեղի ունենում, դու դեռ դոլարո՞վ ես գործարք անում»: Անունն էլ տալու եմ, պարոն Սուլեյմանը, ասաց, թե «Ձեր հրամանն առաջ, գործարքներս փոխում եմ լիրայի»,-պատմել է Էրդողանը:
Հիշեցնենք, որ Թուրքիայի Ժողովրդահանրապետական կուսակցության առաջնորդ Քեմալ Քըլըչդարօղլուն քննադատել է Էրդողանի հայտարարությունը, որով նախագահը կոչ էր արել երկրում սկիզբ առած տնտեսական ճգնաժամն ու ԱՄՆ դոլարի նկատմամբ թուրքական լիրայի կտրուկ արժեզրկումը հաղթահարել զանգվածային կերպով դոլարները թուրքական լիրայով փոխանակելով։
Նիկոլ Փաշինյանը պատմել է, թե ինչու է որոշել սափրվել 
