Թուրքիան ոչ մեկին թույլ չի տա փչացնել հարաբերությունները Ռուսաստանի հետ։ Ինչպես հաղորդում է RIA Novosti-ն, այս մասին հայտարարել է Թուրքիայի նախագահ Ռեջեփ Թայիփ Էրդողանը «Եվրասիա» թունելի բացման արարողությանը։
«Երեկ տեղի ունեցավ հարձակում Ռուսաստանի ներկայացուցչի վրա, որի համար պատասխանատվություն ենք կրել… Երեկվա հարձակումը վերին աստիճանի ողբերգական է։ Ես անիծում եմ նրանց, ովքեր արել են դա…
Երեկ Պուտինի հետ հեռախոսազրույցի ժամանակ ասել եմ, որ սա ակնհայտ սադրանք է։ Մենք ոչ մի դեպքում թույլ չենք տա փչացնել մեր հարաբերությունները»,-ասել է Էրդողանը։
Նա նաև նշել է, որ Թուրքիայի անվտանգության ուժերը հետաքննություն կանցկացնեն, մեղավորները կհայտնաբերվեն։ Նախագահի խոսքով՝ Թուրքիան գնալով ամրապնդում է համագործակցությունը Ռուսաստանի հետ, մասնավորապես Սիրիայի հարցով։
Նիկոլ Փաշինյանը պատմել է, թե ինչու է որոշել սափրվել 
