YN.am-ը գրում է.
Ազատ դեմոկրատական կուսակցության քարոզարշավի 2-րդ օրը մեկնարկեց Տավուշի մարզի Նոյեմբերյանի տարծաշրջանի Կողբ գյուղում: Ազատ դեմոկրատական կուսակցության համապետական ցուցակի 3-րդ հորիզոնականն զբաղեցնող Ստյոպա Սաֆարյանն իր ուղերձը հղելով բնակիչներին՝ կոչ արեց գիտակցել այս ընտրությունների կարևորությունը.
«Կա՛մ իշխանությունը ձևավորոում եք դուք, կա՛մ ձևավորում է վարչախումբը, կա՛մ ապրում ենք անհնազանդության մեջ, կա՛մ ստեղծում ենք անվտանգություն և հզոր Հայաստան, կա՛մ ապրում ենք անազատության մեջ, կա՛մ կերտում ենք մեր ազատությունը: Կա՛մ ապահովում ենք զարգացում, կա՛մ էլ մնում ենք հետընթացի մեջ»,- նշեց թեկնածուն:
Կողբեցիներին իր ուղերձը հղեց նաև «Ազատ դեմոկրատական կուսակցության» համապետական ցուցակն առաջնորդող Խաչատուր Քոքոբելյանը, թեկնածուն կոչ արեց ազատվել վախի կապանքներից, հավելելով, որ պետք է հասնել նրան, որ չունենանք ընկճված հասարակություն. «Մեր թիմում ընդգրկված են մարդիկ, ովքեր կարող են պաշտպանել ձեր իրավունքները, բոլորիդ շահերը: Մենք կարող ենք և պետք է կերտենք հպարտ, անկաշկանդ Հայաստան, զերծ օտար իշխանավորների առջև գլուխ խոնարհող հայ իշխանավորներից»:
Չվախենալու կոչով հանդես եկավ նաև ռեյտինգային թեկնածու Անժելա Խաչատրյանը. «Տավուշը, և հատկապես Կողբը, այն սահմանային տարածքն է, որտեղ ժողովուրդը դեմ դիմաց կանգնած է թշնամու առաջ, կրակահերթերի տակ: Հետևաբար պետք չէ վախենալ ձայն տալ այն քաղաքական ուժին, որը կարևորում է քաղաքացու անկախությունը: Մենք խոստանում ենք ստեղծել մի պետություն, որտեղ բոլոր քաղաքացիները իրավահավասար են լինելու»:
«Ուղեւորից ուղեվարձ ես ուզում, ասում են՝ գնա Նիկոլից ուզի». Վարորդները գործադուլ են անում 
