Մեզանից յուրաքանչյուրն իր կյանքի ընթացքում գոնե մի անգամ հուսահատության և դատարկության զգացում է ունեցել։ Mirkrasoty.life կայքը գրում է, որ ոչ բոլորին է հաջողվում արագ ու հեշտությամբ դուրս գալ այդ վիճակից։ Ինչպես են դեպրեսիայից դուրս գալիս կենդանակերպի նշանների ներկայացուցիչները։

Խոյ։ Դեպքերի մեծամասնությունում հակված չեն դեպրեսիայի և հուսահատության։ Խնդիրն այն է, որ նրանք պարզապես չեն կարող երկար ժամանակ գտնվել ճնշված վիճակում։ Նրանք լի են էներգիայով և լավատեսությամբ և նույնիսկ այնպիսի իրավիճակներում, երբ ելք չկա, իրենց ստիպում են աշխատել, շփվել շրջապատի հետ և ժպտալ։

Ցուլեր։ Հակված չեն բացել իրենց հոգին և անկեղծանալ։ Կարող են կարծել, որ աշխատավայրում բազմաթիվ խնդիրներ կան, այն դեպքում, երբ ամեն ինչ այնքան էլ վատ չէ։ Բայց երբ Ցուլերը ծանր հոգեկան ապրումներ են ունենում, լռակյաց են և մռայլ։ Դեպրեսիայից ազատվելու գործում նրանց կարող են օգնել մտերիմ մարդը և մի բաժակ վիսկին։

Երկվորյակներ։ Կենդանակերպի այս նշանի ներկայացուցիչները տրամադրության մարդիկ են։ Դժվար է նրանց տեսնել երկար ձգվող դեպրեսիայի պայմաններում։ Նույնիսկ, եթե նրանց կյանքում սև գիծ է հայտնվել, ամեն դեպքում լուսավոր իրադարձությունների ու երջանկության նշույլներ են գտնում։ Շփվող են, հետաքրքրասեր. նոր ծանոթությունն ու շրջապատի փոփոխությունը հեշտությամբ կարող են նրան ազատել դեպրեսիայից։

Խեցգետին։ Ավելի շատ են հակված դեպրեսիայի, քան կենդանակերպի մյուս նշանների ներկայացուցիչները։ Որպես կանոն` հիվանդագին են ընդունում նույնիսկ ամենաաննշան փոփոխություններն ու կյանքի ընթացքում հանդիպող խոչընդոտները։ Որպեսզի ամբողջությամբ չհայտնվեն իրենց մելանխոլիկ մտքերի աշխարհում, նրանց մտերիմ մարդու աջակցությունն է հարկավոր։ Դեպրեսիայից ազատվելու գործում կենդանակերպի այս նշանի ներկայացուցչին կօգնի միայն այն, որ համոզված լինեն՝ մտերիմները կաջակցեն իրեն։

Առյուծ։ Լավատես են։ Վստահ են իրենց ուժերի և երջանիկ ապագայի վրա։ Բայց երբեմն նրանց կյանքում սկսվում են անբավարարվածության պահեր, երբ իրականությունը հեռու է նրանից, ինչ ցանկանում է Առյուծը։ Այդ պահերին կենդանակերպի այս նշանի ներկայացուցիչները կարող են դատարկություն զգալ։ Իսկ այս իրավիճակից նրանց դուրս գալ կօգնեն գնումները, ընկերներն ու բառերը։

Կույս։ Սովորաբար կենդանակերպի այս նշանի ներկայացուցիչները հակված չեն մելանխոլիայի և երկարատև դեպրեսիայի։ Նրանք առավել հետաքրքրված են առողջության, աշխատանքի, մյուսների կյանքին առնչվող հարցերով։ Սա նշանակում է, որ Կույսերը փորձում են կենտրոնանալ կենցաղային հարցերի վրա, երբ խնդիրներ են ունենում։ Բայց երբ իրավիճակն անելանելի է, Կույսերը մտերիմ մարդու աջակցության կարիք ունեն։ Նրանք լսված լինելու և ելք գտնելու հարցում օգնության կարիք ունեն։

Կշեռք։ Խաղաղասեր են և ընկերասեր: Հաճախ աջակցում են մարդկանց, ովքեր դեպրեսիա են ապրում։ Կարողանում են լսել և արժեքավոր խորհուրդներ տալ։ Բայց երբ ընկնում են դեպրեսիայի մեջ, նրանց այդ իրավիճակից կարելի է հանել կյանքի և նրա արդարության մասին երկար խոսակցություններով։ Բարդ իրավիճակը հաղթահարելու գործում նրանց կօգնեն մարդիկ, ովքեր կլսեն նրանց։ Պարզապես հարկավոր է թողնել, որ նրանք արտահայտվեն։

Կարիճ։ Հեշտությամբ կարող են դեպրեսիայի մեջ ընկնել, եթե ճանապարհին հայտնվում են լուրջ մրցակիցներ կամ չարակամներ, որոնք խանգարում են նրանց։ Այդպիսի իրավիճակներում Կարիճները նախ անասելի զայրույթ են ապրում, ինչից հետո՝ խորն ատելություն։ Դեպրեսիան հաղթահարելու գործում նրանց կօգնի ժամանակն արագ անցկացնելը։

Աղեղնավոր։ Կենդանակերպի այս նշանի ներկայացուցիչների համար դեպրեսիան նրանց վառ և հագեցած կյանքի բաղադրիչն է։ Երբեմն կարող է թվալ, թե Աղեղնավորները պարզապես հաճույք են ստանում կտրուկ վերելքներից ու վայրէջքներից։ Երբեմն իրենք են խոչընդոտներ ստեղծում իրենց ճանապարհին և հաճույք ստանում, երբ կարողանում են հաղթահարել դրանք։ Դեպրեսիայից ազատվելու գործում նրանց կօգնեն նոր ծանոթությունները, անկեղծ գովասանքն ու նախասիրությունները։

Այծեղջյուր։ Կենդանակերպի այս նշանի ներկայացուցիչները սովորաբար իրենց թույլ չեն տալիս հուսահատության մեջ հայտնվել։ Կարողանում են ինքնակազմակերպվել և առանց օգնության հանել իրենց այդ վիճակից։ Ցանկացած անհասկանալի և բարդ իրավիճակում նրանք սկսում են աշխատել։

Ջրհոս։ Դեպքերի մեծամասնությունում հակված չեն երկարատև դեպրեսիայի։ Հետաքրքրասեր և բազմակողմանի լինելու շնորհիվ նրանք խնդիրներից արագորեն շեղվում են։ Դեպրեսիան հաղթահարելու գործում նրանց կօգնի ազատությունն ու ձանձրացրած իրավիճակի փոփոխությունը։

Ձկներ։ Որպես կանոն՝ մելանխոլիկ են և զգացմունքային։ Արագորեն խորասուզվում են խնդրի մեջ, նույնիսկ, եթե այն աննշան է։ Դեպրեսիայի պայմաններում Ձկների ուղեկիցն են դառնում ալկոհոլն ու «ինքն իրեն ուտելը»։ Այս իրավիճակից դուրս գալու համար նրանց կօգնի հասկացող մարդը, ով կկարողանա լսել նրանց և վստահություն ներշնչել։