Չիլիի հավաքականը դուրս է եկել Կոնֆեդերացիաների Գավաթի եզրափակիչ: Կիսաեզրափակչում չիլիացիները հաղթահարել են Եվրոպայի չեմպիոն Պորտուգալիայի հավաքականի արգելքը:

Հանդիպման հիմնական ժամանակն ավարտվել է առանց դարպասի գրավման: Լրացուցիչ երկու խաղակեսերում թիմերին նույնպես չի հաջողվել գոլի հեղինակ դառնալ: Վերջին րոպեներին չիլիացիները շատ մոտ էին հաշվի մեջ առաջ անցնելուն. Վիդալի հուժկու հարվածից հետո գնդակը դիպել է ուղղահայաց դարպասաձողին, իսկ անդրադարձից հետո Ռոդրիգեսը հարվածել է հորիզոնական դարպասաձողին:

Հետխաղյա 11 մետրանոցներով ավելի դիպուկ էր Ամերիկայի գավաթակիրը` 3:0: Կլաուդիո Բրավոն հետ է մղել պորտուգալացիների բոլոր երեք հարվածները:

Հիշեցնենք, որ եզրափակչի մյուս ուղեգրի համար կհանդիպեն Գերմանիան և Մեքսիկան:

Пopтyгaлuя - Чuлu от GOALTIME - ФУТБОЛЬНЫЕ ОБЗОРЫ на Rutube.