Երեկ Չեչնիայի ղեկավար Ռամզան Կադիրովը ցնցեց ամբողջ ռուսական շոու բիզնեսը՝ Instagram-ի իր էջում Նիկոլայ Բասկովի եւ Վիկտորիա Լոպիրյովայի հարսանիքի մասին հայտարարելով։ Բասկովը հաղորդավարուհուն առաջարկություն է արել Գրոզնիում միջոցառման ժամանակ, իսկ Կադիրովը հայտարարել է, որ հարսանիքը տեղի կունենա հոկտեմբերին, Գրոզնիում։

Բայց այսօր NEWS.am STYLE-ը որոշել է խոսել Վիկտորիա Լոպիրյովայի սիրավեպերի մասին։
Մարզական հաղորդավարուհի, ֆոտոմոդել, բլոգեր, «Միսս Ռուսաստան-2003», 2018 թվականի Ֆուտբոլի աշխարհի առաջնության դեսպան Վիկտորիա Լոպիրյովան առնվազն երկու անգամ ամուսնացած է եղել, սակայն ոչ պաշտոնապես։


2010 թվականին Վիկտորիան «ամուսնացավ» երաժշտական հաղորդավար Ալեքսանդր Բելոնոգովի հետ։ Սակայն ընդամենը մեկ ժամով։ Պարզվեց՝ դա ընդամենը հարսանեկան սրահի գովազդ էր։ Նույնիսկ նորապսակների հարսանեկան երդումները հումորային էին։ Սիրահարները խոստացել են «մինչեւ կյանքի վերջ միմյանցից չխլել ոճաբաններին»։

2013 թվականին Վիկան եւ Ռուսաստանի հավաքականի ու «Կրասնոդար» թիմի ֆուտբոլիստ Ֆյոդր Սմոլովը Մալդիվներում շքեղ հարսանիք կազմակերպեցին, սակայն ՔԿԱԳ-ում (քաղաքացիական կացության ակտերի գրանցման գործակալություն) չգրանցվեցին, իսկ 2015 թվականի մայիսին ամուսինները հայտարարեցին բաժանվելու մասին։

Լոպիրյովային սիրավեպեր են վերագրել նաեւ այլ հայտնիների հետ։ Դրանց թվում են հոքեիստ Ալեքսանդր Օվեչկինը, Smash խմբի նախկին մենակատար Վլադ Տոպալովը, դերասան Վյաչեսլավ Մանուչարովը։ Իսկ վերջերս հայկական մամուլն ակնարկեց Հենրիխ Մխիթարյանի եւ Լոպիրյովայի սիրավեպի մասին, առավել եւս, որ Վիկան Հայաստան ժամանեց, իսկ Հենրիխը նրան ցույց տվեց մեր հայրենիքի տեսարժան վայրերը։

Նշենք, որ Սմոլովի հետ աղմակահարույց կերպով բաժանվելուց հետո Լոպիրյովան շատ փակ դարձավ։ Բայց այժմ Վիկտորիայի ընտրությունը կանգ է առել Ռուսաստանի ժողովրդական արտիստ Նիկոլայ Բասկովի վրա։

Չնայած, երեկ Վիկան տարօրինակ արձագանքեց սեփական հարսանիքի մասին լուրերին...