Հուլիսի 2-ին Լոս Անջելեսի Dolby Theatre-ում կայացած՝ հայ օլիգարխ Ալբերտ Ավդոլյանի որդու շքեղ հարսանիքի մասին դեռ շատ կխոսվի, սակայն այս անգամ խոսակցությունների թեմա է տվել հարսանիքի հերոսուհին՝ հարսնացուն։

 Իր Instagram-ի էջում Լոլիտան հարսանիքից լուսանկարներ է հրապարակել եւ որոշ մանրամասներ ներկայացրել։ Մասնավորապես, նա հայտնել է, որ Zuhair Murad ապրանքանիշի ոսկեգույն զգեստը, որով նա ներկայացել է պսակադրությանը, 50 կիլոգրամ է կշռել։

Ընդհանուր առմամբ, հայ օլիգարխի հարսնացուն երեք զգեստ է փոխել հարսանիքի ընթացքում, որից երկուսը սպիտակ գույնի են եւ պատկանում են Vera Wang ապրանքանիշին։

Ի դեպ, Լոլայի ոսկեգույն զգեստի հեղինակ Զուհաիր Մուրադն անդրադարձել էր հայկական հարսանիքին՝ Instagram-ի իր էջում գրելով.

«Այնքան ուրախ եմ, որ ես իմ գեղեցիկ հպումն եմ ավելացրել այս անմոռանալի երեկոյին»։

Իսկ մենք հիշեցնենք, որ ՌԴ-ում հայտնի հայ գործարար Ալբերտ Ավդոլյանի որդու՝ Գասպարի, եւ ոչ պակաս խոշոր գործարար Էլդար Օսմանովի դստեր՝ Լոլայի հարսանիքն աչքի է ընկել ճոխությամբ։

Հանդիսությունը վարել են Քսենյա Սոբչակն ու Անդրեյ Մալախովը։ Հյուրերին զվարճացրել են Սվետլանա Լոբոդան, Նիկոլայ Բասկովը, Ստաս Միխայլովը, Լեդի Գագան եւ Ջեյսոն Դերուլոն։

Հայ օլիգարխի որդու հարսանիքին նաեւ հայ արտիստներ են ելույթ ունեցել՝ Արման Հոհաննիսյանն ու Սուպեր Սաքոն, ինչպես նաեւ՝ Թաթա Սիմոնյանը:

Dolby Theatre-ում, որտեղ ամեն տարի անց է կացվում «Օսկարի» մրցանակաբաշխությունը, հարսանքավորներն անցել են կարմիր գորգով՝ ինչպես աստղեր։

Անցորդներին թվացել է, թե այնտեղ կարեւոր իրադարձություն է տեղի ունենալու, եւ աստղեր են ժամանում։ Նրանք սկսել են լուսանկարել հարսանիքի հյուրերին։

Իսկ մեղրամիսը զույգը վայելել է Բորա Բորա կղզում։