Հարություն Հարությունյանը ֆեյսբուքյան իր էջում գրում է.
«Ժամանակին` 1994 թ., Լիսկան (Սուրեն Խաչատրյանը) խնդրում է Վազգեն Սարգսյանին, որ իրեն Սյունիքի մարզպետ կարգի: Վազգենը, քահ-քահ ծիծաղելով, ասում է.
- Այ տղա, երբ որ ես Աստված կլինեմ, դու էլ` Սյունիքի մարզպետ:
Լիսկան պատասխանում է.
- Դու արդեն Աստված ես...
Այս պատմությունը, երբ ինձ պատմեց իմ ընկեր Սպարտակ Ղարաբաղցյանը, հիշեցինք համահունչ մի պատմություն ևս, որը հատուկ է բոլոր լիսկաներին:
Ուրեմն` արծիվները միշտ վայրէջք են կատարում ամենաբարձր քարափներին ու, սովորույթի համաձայն, տեղը չեն փոխում: Հերթական վայրէջքի ժամանակ արծիվը նկատում է, որ իր տեղը զբաղեցրել է արևկող արած մի օձ:
Իջնում է ու զարմացած հարցնում.
-Էս ո՞նց հասար էստեղ:
-Սողա~լով, սո~ղա~լով,- քմծիծաղով պատասխանում է օձը»:
