Մադրիդի «Ռեալի» պաշտպան Դանիել Կարվախալը խոսել է իր առողջական խնդիրների և խաղադաշտ վերադառնալու մասին.

«Երբ բժիշկները հայտանբերեցին, որ սրտի հետ կապված խնդիրներ ունեմ, ցավեր չէի զգում: Ես ինձ հիվանդ չէի համարում: Չէի կարողանում հավատալ, որ հնարավոր է այլևս խաղադաշտ դուրս չգամ:

Այս պահին ամեն ինչ լավ է: Վերջին երկու շաբաթների ընթացքում շատ եմ աշխատել, որպեսզի ֆիզիկական վիճակս բարելավեմ:

Սկզբնական շրջանում շատ էի վախենում, քանի որ կարծում էի, որ ամեն ինչ կարող է ավելի վատ լինել: Մտածում էի, որ կավարտեմ կարիերաս, քանի որ ժամանակին նման դեպքեր ֆուտբոլիստների հետ շատ են եղել: Բժիշկներն ինձ հանգստացնում էին՝ ասելով, որ պետք է հանգստություն պահպանեմ:

Ցանկանում էի, ավելի շուտ վերադառնալ, սակայն որոշվեց, որ պետք է հավաքականների հանդիպումներից հետո միանամ ընդհանուր խմբին:

Ծննդյան տոներից առաջ կսկսեմ մասնակցել հանդիպումներին»,- ասել է Կարվախալը:

Հիշեցնենք, որ իսպանացի պաշտպանը խաղադաշտ դուրս չի եկել սեպտեմբերի 26-ից: