«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն չի բացառել, որ Հայաստանի հավաքականի կիսապաշտպան Հենրիխ Մխիթարյանը կարող է եւ չհեռանալ թիմից այս ամիս:
«Եթե Մխիթարյանի տեղափոխությունը տեղի չունենա՝ ոչ մի խնդիր չկա: Հնարավոր է՝ նա մնա: Մխիթարյանը շատ լավ խաղացող է: Նա հրաշալի խաղաց մեզ համար անցած մրցաշրջանում, օգնեց նվաճել Եվրոպայի լիգայի գավաթը, նա մեր կարեւորագույն խաղացողներից մեկն էր: Հենրիխը գերազանց սկսեց նաեւ այս մրցաշրջանը, բայց հետո մի փոքր զիջեց:
Հիմա շատ են խոսակցությունները, եւ ես պաշտպանում եմ Մխիթարյանին՝ չընգրկելով հայտացուցակում:Մխիթարյանի համար հեշտ չէ այս իրավիճակում լավ խաղալ:
Հիմա պետք է սպասել եւ տեսնել, թե ինչ տեղի կունենա: Տրանսֆերային պատուհանը փակվում է հունվարի 31-ին»,- Մոուրինյոյի խոսքը մեջբերում էmanchestereveningnews-ը:
Բրիտանական dailymail-ը, հղում անելով «Մանչեսթեր Յունայթեդում» իր աղբյուրներին, հաղորդել էր, որ Մխիթարյանը հունվարի 19-ի մարզմանը հրաժեշտ է տվել թիմակիցներին եւ ժամանակից շուտ հեռացել է ակումբային մարզաբազայից:
Հիշեցնենք, որ Մխիթարյանի տրանսֆերը ներառված է «Արսենալի» չիլիացի հարձակվող Ալեքսիս Սանչեսի տրանսֆերի գործարքում, որը դեռ չի կայացել:
BBC Sport-ը հայտնել էր, որ Հայաստանի հավաքականի ավագի տեղափոխությունը «Մանչեսթեր Յունայթեդից» Լոնդոնի «Արսենալ» ձգձգվում է հայ ֆուտբոլիստի գործակալի պահանջների պատճառով: «Արսենալը» չի ցանկանում գործարքի ընդհանուր գումարի 7 տոկոսից շատ վճարել իտալացի գործակալ Մինո Ռայոլային, որն ավելին է պահանջում:
Նիկոլ Փաշինյանը պատմել է, թե ինչու է որոշել սափրվել 
