Այսօր այսպիսի բնորոշում տվեց ՀՀ ժողովրդական նկարիչ, քանդակագործ Լևոն Թոքմաջյանը: Նրա խոսքերով Երևանի կենտրոնի «հավերժական» վերանորոգումներն ու «օբյեկտների բացումներն ու փակումները» խարխլում են քաղաքի ընդհանուր տեսքը: Ն ահորդորեց միայն կենտրոնի վրա չկենտրոնանալ: «Բավական է անընդհատ կենտրոնի վրա խաղանք: Շրջաններից և դրսից եկողները պետք է հասկանան ու պատկերացնեն, որ Երևան են գալիս, Երևանին սակայն ոչ մի բնորոշ բան չկա»,-ավելացրեց քանդակագործը` նշելով, որ Հռոմն էլ Երևանի պես հին քաղաք է, սակայն այնտեղ լավը պահվում է: Նա համաձայն է այն մտքի հետ, որ անկայունն ու քանդվողը վերացնել, սակայն բնորոշն ու պատմականը օետք է մնան: Նկարիչը նաև առաջարկում է քննարկել, առաջարկություններ անել, որից հետո միայն ընդհանուր հայտարարի գալով` ձեռնարկել շինարարական աշխատանքները: Նա նաև նշեց, որ քաղաքում շատ բան է խարխլվել, անգամ հրապարակում կանգնելիս Արարատ լեռը չի երևում:  «Արդեն գժվեցինք կամարների ձեռքին: Մի՞թե հայ ճարտարապետությունը միայն կամարն է: Կամ գերեզմանների և եկեղեցիների  ամեն անկյունում ավելացնելն ի՞նչ է. սոված նստած անընդհատ վա՞նք են սարքում: Առաջիկա 50 տարիների ընթացքում ոչ մի բան չպետք է փոխվի քաղաքում, իսկ թե ինչ կցանկանա հաջորդ սերունդը, չեմ կարող ասել»,-իր վրդովմունքը հայտնեց Լևոն Թոքմաջյանը: