Երբ մենք ասում ենք համերաշխություն եւ միասնություն, դա չի նշանակում, որ բոլորս նույն կերպ ենք մտածում, բոլորիս տեսակետները նույնական են, եւ քննադատությունը համարվում է ազգային միասնության խաթարում: Այս մասին այսօր՝ մայիսի 8-ին ԱԺ-ում լրագրողների հետ զրույցում նշեց քիչ առաջ ՀՀ վարչապետ ընտրված Նիկոլ Փաշինյանը:
Նրա խոսքով՝ իրենք աշխատանքային մթնոլորտում քննարկումներ կունենան՝ նաեւ հաշվի առնելով ընթացիկ քաղաքական վիճակի առանձնահատկությունը:
Հարցին, թե ՀՀԿ-ականներ կլինե՞ն կառավարությունում, վարչապետ Փաշինյանը պատասխանեց, որ այդ հարցով եւս քննարկումներ կլինեն. «Եթե մենք ասում ենք՝ այդ ամենը տեղի է ունենալու քննարկումների արդյունքում, ու ես եթե անուններ ասեմ, կստացվի, որ էդ քննարկումների մասին իմ հայտարարությունն այդքան էլ իրական չէ»:
Նա նշեց, որ կադրերի առումով բազմաթիվ անուններ կան. «Երկրում կան բազմաթիվ պրոֆեսիոնալներ, որոնք, ինչպես իմ ելույթում նշեցի, պետք է ներգրավված լինեն երկրի կառավարման գործում: Կառավարության կազմում էական փոփոխություններ կլինեն»: Փաշինյանը նշեց, որ պաշտպանության նախարարը կփոխվի:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
