Խոյ․ Անձնական կյանքը նշանի որոշ ներկայացուցիչների մոտ կարող է առանձնահատուկ նշանակություն ստանալ։ Նշանի երիտասարդ ներկայացուցիչները կարող է սկսեն լրջորեն տրամադրվել ամուսնության հարցը կարգավորելու համար։ Հնարավոր են հանդիպումներ հին ընկերների հետ, որոնք կհիշեցնեն ձեզ հին ու ուրախ օրերի մասին։
Ցուլ․ Օրը խոստանում է լինել հաջողակ եւ գործնական եւ անձնական կյանքում։ Որոշ խոչընդոտներ իհարկե, կլինեն, սակայն ընդհանուր առմամբ դժգոհելու առիթներ չեք ունենա։ Գործընկերները եւս կլինեն ակտիվ եւ կվարակեն ձեզ իրենց եռանդունությամբ։ Նոր ծանոթությունները կարող է ձեզ օգնեն որոշ կարեւոր հարցերում։
Երկվորյակ․ Այսօր փորձեք լուծել այն բոլոր գործերը, որոնք առանձնապես մեծ բարդություններ չեն ներկայացնում ձեզ համար։ Նշանի շատ ներկայացուցիչներ այսօր հավելյալ ծախսեր կանեն։ Հնարավոր է նաեւ դրամապանակի կորուստ ունենաք։ Ընդհանուր առմամբ օրվա միակ խնդիրը կապված կլինի նյութական խնդիրների հետ։
Խեցգետին․ Օրը բավական լավատեսական հունով կընթանա առաջ։ Կունենաք անկեղծ ցանկություն օրվա թոհուբոհից դուրս գալու են ներանձնական մտածումների հորձանուտում խորամուխ լինելու։ Օրվա երկրորդ կեսին հնարավոր է ունենաք թեթեւ առողջական խնդիրներ։ Ամեն կերպ փորձեք պահպանել ներաշխարհի ներդաշնակությունը։
Առյուծ․ Օրը հարմար է ճամփորդությունների եւ գործուղումների համար։ Եռանդուն եք եւ պատրաստ սարեր շուռ տալու։ Ստեծղագործական մոտեցում պահանջող գործերն այսօր կատարեցեք առաջնահերթ կերպով։ Հնարավոր է անքնություն ունենաք։
Կույս․ Օրը կնշանավորվի ներքին հակասություններով եւ օտարացվածության զգացումներով։ Խորհուրդ է տրվում վերլուծել սեփական հնարավորություններն ու կարողությունները։ Այդ կերպ կկարողանաք ավելի իրատեսական որոշումներ կայացնել։ Աստղերը այսօր հորդորում են օրվա մի մասն անցկացնել երեխաների ընկերակցությամբ։
Կշեռք․ Օրը խորհրդանշում է ուրախություն, սեր եւ համերաշխություն։ Այսօր լի կլինեք հույսով եւ ներշնչանքով։ Օրը մի շարք հետաքրքիր եւ հաճելի անակնկալներ է խոստանում մատուցել ձեզ։ Զերծ մնացեք չարակամ մարդկանց հետ ամեն տեսակի շփումներից։
Կարիճ․ Ներքին լիակատար ներդաշնակություն կզգաք եւ ըստ այդմ էլ ճիշտ կկազմակերպեք օրվա ընթացքը։ Նոր փորձառությունը ձեզ համար օգտակար կլինի հետագայում։ Օրվա ընթացքում կպահպանեք լավատեսությունն ու կկարողանաք հասնել որոշ դրական արդյունքների։
Աղեղնավոր․ Այսօր մի շարք կարեւոր որոշումներ կկայացնեք։ Խորհուրդ է տրվում սեփական ցանկությունները եւ գործընկերների հանդեպ ուենցած հավակնությունները հստակ գնահատել։ Շատ հարցեր կկարողանաք ուղղել այսօր, որոնց մեջ նախկինում սխալ եք թույլ տվել։ Կարեւոր հանդիպումները նշանակեցեք օրվա առաջին կեսին։ Օրվա մեջ ուշադիր եղեք առողջությանը։
Այծեղջյուր․ Օրը կլինի հակասական։ Զգացողություններն ու գիտակցությունը կունենան ակնհայտ երկվություն։ Հնարավոր է ցանկանաք կենսական կարեւոր հարցերում կտրուկ շրջադարձեր կատարել։ Նշանի այն ներկայացուցիչները, որոնք հատկապես զգացմունքային են, այսօր պետք է լինեն ուշադիր։
Ջրհոս․ Եթե այսօր մտադրվել եք մեկնել գործուղման, ապա ձեռնպահ մնացեք։ Խորհուրդ չի տրվում այսօր ճանապարհ դուրս գալ։ Ավելի լավ է զբաղվեք ընթացիկ գործերով։ Երեկոյան կարող եք մեկնել որեւէ մշակութային միջոցառման։
Ձկներ․ Հնարավոր է հավելյալ եկամուտներ ունենաք եւ բարելավեք ընդհանուր ֆինանսական վիճակը։ Ուրախալի լուրեր կլսեք հարազատների մասին։ Մի մոռացեք, որ օրը պետք է ունենա հստակ համակարգվածություն։ Օրվա մեջ գործերը դասավորեք համամսնաբար՝ հանգստի ժամերի հետ։ Սուրճի չարաշահումը կարող է առողջական խնդիրներ առաջացնել։
