Ցանկանում եմ նկատելի հետք թողնել «Յուվենտուսի» պատմության մեջ, ասել է Մադրիդի «Ռեալից» իտալական ակումբ տեղափոխված պորտուգալացի հարձակվող Կրիշտիանու Ռոնալդուն:
«Արձակուրդի տրամադրություն չունեմ, միշտ ցանկացել եմ տիտղոսներ նվաճել եւ լինել լավագույնը: Երբեք չէի մտածի, որ 5 անգամ կարժանանամ «Ոսկե գնդակի»: Հնարավոր է՝ մեկ անգամ էլ այդ մրցանակը ստանամ «Յուվենտուսում»:
Գիտեմ, որ այստեղ գլխավոր ցանկությունը Չեմպիոնների լիգայի գավաթը նվաճելն է: Պետք է պահպանել հանգստություն դրան հասնելու համար: «Յուվենտուսը» մի քանի անգամ շատ մոտ էր Չեմպիոնների լիգայի տիտղոսին, սակայն եզրափակիչները միշտ անկանխատեսելի են: Հույս ունեմ, որ կկարողանամ օգնել թիմին հասնել այդ գավաթին»,- Ռոնալդուի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ 33-ամյա ֆուտբոլիստը «Յուվենտուսի» հետ կնքել է չորս տարվա պայմանագիր:
Նիկոլ Փաշինյանը պատմել է, թե ինչու է որոշել սափրվել 
