Այսպիսին էր Մաշտոցի, այն ժամանակ դեռ Լենինի, իսկ մինչև 1960-ը՝ Ստալինի անունը կրող պողոտայի վերնամասը կես դար առաջ: Ինչպես տեսնում ենք՝ «Մայր Հայաստան» հուշարձանի պատվանդանը դատարկ է:
Մոնումենտում՝ «Հաղթանակ» զբոսայգում գտնվող այդ հուշահամալիրը կառուցվել էր 1950 թվականին։ Հուշահամալիրի հեղինակը ԽՍՀՄ ժողովրդական ճարտարապետ Ռաֆայել Իսրայելյանն էր։ Պատվանդանի վրա տեղադրվում է քանդակագործ Սերգեյ Մերկուրովի հեղինակած Ստալինի 17 մետր բարձրության պղնձե կոփածո արձանը։
1961-ին այդ արձանը հանվեց, իսկ արդեն 1967-ին տեղադրվեց մեր մայրաքաղաքի այցեքարտերից մեկը դարձած Հայաստանի ժողովրդական նկարիչ, քանդակագործ Արա Հարությունյանի հեղինակած 22 մետր բարձրության «Մայր Հայաստան» արձանը՝ նույնպես պղնձե կոփածո։
Նյութի աղբյուր՝ https://www.facebook.com/photo.php?fbid=1889486511165872&set=a.500519483395922&type=3&theater
Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 
