Համազգային թատրոնի նորանշանակ գեղարվեստական ղեկավար Սուրեն Շահվերդյանը Facebook-ի իր էջում անդրադարձել է լրագրողների հարցերին՝ ի՞նչ կանի, եթե թատրոնի դերասանները չընդունեն միասին աշխատելու առաջարկը:
Նա, մասնավորապես, գրել է.
«Բարի լույս սիրելի Համազգային թատրոնի արտիստներ, բարի լույս սիրելի թատերասեր հասարակություն,
Երեկվանից լրագրողները ինձ հետեւյալ հարցն են տալիս.
Եթե Համազգայինի դերասանները չընդունեն միասին աշխատելու ձեր առաջարկը, դուք ի՞նչ կանեք, կսկսեք հերթով հեռացնե՞լ նրանց աշխատանքից։
Իմ պատասխանը հետեւյալն է. եթե դերասանները, կմերժեն իմ առաջարկը` «ՔԱՅԼ ԱՆԵԼ ՄԻԱՍԻՆ» եւ ծանրակշիռ հիմնավորում կտան իրենց դիրքորոշմանը` ապացուցելով, որ սա պաշտոնի կռիվ չէ, եւ բոլորը չեն համախմբվել, որպեսզի իրենց թեկնածուն լինի տնից եւ ինչպես ուզեն, այնպես էլ շարժվեն, եթե նրանց այդ ցանկությունը ինքնանպատակ չէ, այլ նրանց քայլերը ավելի կառուցողական են, քան իմ առաջարկած քայլերը, ապա ես… կգրկեմ բոլորին մեկ առ մեկ, կասեմ, որ սիրում եմ նրանց, հաջողություն կմաղթեմ իրենց գործում եւ կհետեւեմ Համազգայինի գործունեությանը որպես հանդիսատես, որպես Համազգայինի բարեկամ, ընկեր եւ միշտ լավը կամեցող»:
Ռուսաստանն «Орешник» բալիստիկ հրթիռ է արձակել Ուկրաինայի ուղղությամբ. ՌԴ նախագահ 
