Արտակարգ իրավիճակների նախարարությունը տեղեկացնում է, որ փետրվարի 27-ին՝ ժամը 09:30-ի դրությամբ ՀՀ տարածքում կան փակ եւ դժվարանցանելի ավտոճանապարհներ:
Վարդենյաց լեռնանցքը փակ է:
Դժվարանցանելի են Վայոց ձորի մարզի Սարավան-Զանգեր եւ «Մեղրու սար» կոչվող հատվածները (բուք է):
Սպիտակի ոլորաններն ու Սոթք-Քարվաճառ ավտոճանապարհը (մերկասառույց) դժվարանցանելի են միայն բեռնատար ավտոմեքենաների համար:
Լոռու, Վայոց ձորի, Կոտայքի եւ Տավուշի մարզերում, Արագածոտնի մարզի Աշտարակ, Ապարան, Գեղարքունիքի մարզի Սեւան, Գավառ, Մարտունի, Սյունիքի մարզի Գորիս քաղաքներում եւ «Սիսիանի զանգեր», «Մեղրու սար» կոչվող հատվածներում տեղում է ձյուն:
Ձյուն է տեղում նաեւ Երեւանի հյուսիսային շրջաններում:
Երեւան-Սեւան ավտոճանապարհի 25-ից 30-րդ կմ-ին տեղ-տեղ առկա է մերկասառույց:
Վարորդներին խորհուրդ է տրվում երթեւեկել բացառապես ձմեռային անվադողերով։
