Հայաստանում խայտառակ մակարդակի կոռուպցիա կա։ Դժգոհել և քննադատել Իշխան Զաքարյանի գործունեությունից, արդար չէ։ Նա ներկայացրել է փաստեր, որոնք ընդունվել են բոլոր գերատեսչությունների կողմից՝ բացառությամբ երկու դեպքի։ Այսօր լրագրողների հետ հանդիպման ընթացքում նշեց ԱԺ Ժառանգություն խմբակցության քարտուղար Զարուհի Փոստանջյանը:
«Այն, ինչ նշված է, դրանք փաստեր են, որոնք անհերքելի են: Մենք իրականում գործ ունենք յուրացումների հետ», - նշեց նա:
Ըստ նրա, Իշխան Զաքարյանն առանց Սերժ Սարգսյանի համաձայնության չէր կարող կազմել այդ զեկույցը: Միաժամանակ, ըստ Զ Փոստանջյանի այն հետագայում վերածվեց բեմադրված ներկայացման, քանի որ պարզվել է, որ մեղավորները բարձր պաշտոնյաներ են:
Խմբակցության քարտուղարը նաև նշեց, որ Հովիկ Աբրահամյանը ՎՊ փաստաթուղթն ուղարկել է գլխավոր դատախազություն և 10 օրվա ընթացքում կամ պետք է հարուցվի քրեական գործ կամ ոչ: «Փաստերին պետք է տալ քրեաիրավական ընթացք», - եզրափակեց ԱԺ Ժառանգություն խմբակցության քարտուղար Զարուհի Փոստանջյանը:
Նիկոլ Փաշինյանը պատմել է, թե ինչու է որոշել սափրվել 
