Այսօր Երևանի ընդհանուր իրավասության դատարանում՝ դատավոր Մնացական Մարտիրոսյանի նախագահությամբ ընթանցող ԱԺ նախկին պատգամավոր Մանվել Գրիգորյանի և նրա կնոջ` Նազիկ Ամիրյանի գործով դատական նիստի ժամանակ պաշտպանական կողմը նշեց, որ Գրիգորյանի առողջական վիճակը սրվել է և ներկայիս դրությամբ Գրիգորյանը չի կարող կալանավորված մնալ:

Մանվել Գրիգորյանի փաստաբան Լևոն Բաղդասարյանը, թվարկելով Մանվել Գրիգորյանի հիվանդությունները, ներկայացրեց միջնորդություն Գրիգորյանի խափանման միջոց կալանավորումն անհապաղ փոխելու մասին: Փաստաբանը ընդգծեց, որ տեղի ունեցածը հաշվեհարդար է Գրիգորյանի նկատմամբ:

Պաշտպանական կողմը նշեց, որ եթե դատարանը կհամարի, որ Մ. Գրիգորյանը, նման ծանր պայմաններում գտնվելով, կարող է խափանման միջոց կալանավորումը փոխելուց հետո խոչընդոտել քննության ընթացքին՝ խնդրում են կիրառել 10 մլն դրամ գրավ։