ՀՀ Պաշտպանության նխարար Դավիթ Տոնոյանն այսօր հերքեց իր պաշտոնից ազատման մասին լուրերը:
«Չկա էդպիսի բան»,-հայտարարեց նա:
Նախարարը լրագրողների հետ զրույցում խուսափեց մեկնաբանություններ տալ Արթուր Վանեցյանի՝ ԱԱԾ տնօրենի պաշտոնից ազատվելու վերաբերյալ:
«Կարծում եմ առանց որևիցե պատճառի չի լինում հրաժարական»,-ասաց նա:
Անդրադառանալով մամուլում տարածված այն լուրերին, որ երեկ տեղի ունեցած ԱԱԽ նիստում քննարկվել է նաև ոստիկանապետ Վալերի Օսիպյանի պաշտոնանկության հարցը՝ նախարարն ասաց. «Ես տեղյակ չեմ, այդպիսի բան չկա և ես հերքում եմ որևիցե քննարկում այդ թեմայի շուրջ ԱԱԽ նիստում»:
Հարցին թե, կա՞ն տարաձայնություններ իր և վարչապետ Նիկոլ Փաշինյանի միջև, Տոնոյանն ասաց. «Ոչ, չեն կարող լինել տարաձայնություններ. որպես կառաավարության անդամ սինխրոնիզացված աշխատանք է ծավալվում»:
Սուրեն Չախալյան․ Ցավոք, ֆուտբոլը դաժան է, մեկ սխալը բերում է այսպիսի արդյունքի 
