«Ժողովուրդ» թերթը գրում է. ««Ժողովուրդ» օրաթերթը պարզել է, որ 17- հոգանոց «Լուսավոր Հայաստան» խմբակցության «տունն էլ հաճախ կռիվ է ընկնում»: Խմբակցության նիստերը ժամանակ առ ժամանակ թեժանում են, քանի որ ընդդիմադիր այս թեւում մի հատվածը մեղադրում է մյուսին, թե շատ են պաշտպանում իշխանությանը` քննադատական խոսքով չպահելով ընդդիմադիր կեցվածքը: Այդ կարծիքին են Մանե Թանդիլյանը, Գուրգեն Բաղդասարյանը, Գեւորգ Գորգիսյանը, Սարիկ Մինասյանը, Ռուբիկ Ստեփանյանը, նաեւ Անի Սամսոնյանը:

Այս ֆրակցիայից հատուկենտ պատգամավորներ են ելույթներ ունենում ԱԺ ամբիոնից, դիրքորոշում արտահայտում: Ըստ «Ժողովուրդ» օրաթերթի աղբյուրների` խմբակցությունում մշտական վեճի թեման գործուղումներն են, դժգոհում են, թե միշտ նույն պատգամավորներն են մեկնում, եւ այդ արտոնությունն առավելապես Անի Սամսոնյանն ունի:

Պատգամավոր Ռուբիկ Ստեփանյանը խմբակցությունում տարակարծությունների վերաբերյալ «Ժողովուրդ» օրաթերթին ասել է. «Նման բան չի կարող լինել. գիտեք ոնց, մենք բոլորս կարծիքներ ունենք, իրար կարանք ներկայացնենք, բայց, որպես էդպիսին, չկա: Բայց որ ասենք` մենք վատ ընդդիմադիր ենք, չենք կարա նման բան հայտարարենք»:

Առավել մանրամասն՝ թերթի այսօրվա համարում