ՀՀ ԶՈւ-երը համալրվում են նոր և արդիական զինատեսակներով: Նախատեսված 4 Су-30СМ կործանիչները Հայաստանը ձեռք կբերի 2020թ. հունվար-փետրվար ամիսներին, ԱԺ-ում լրագրողների հետ զրույցում ասաց ՀՀ պաշտպանության նախարար Դավիթ Տոնոյանը՝ հավելելով, որ Հայաստանում տեղակայաված ռուսական 102-րդ ռազմաբազան ևս արդիականցվում է և՛ սպառազինությամբ, և՛ ծառայողների կենցաղային բարելավմամբ:

Անդրադառնալով ապրիլյան քառօրյա պատերազմի հանգամանքներն ուսումնասիրող քննիչ հանձնաժողովի աշխատանքին ու պատասխանելով հարցին՝ հնարավո՞ր են անսպասելի բացահայտումներ, նախարարն ասաց. «Չէի ուզենա գնահատականներ տալ՝ անսպասելի կլինի, թե սպասելի, բայց այն, որ ՊՆ համակարգում պարզ է՝ ինչ է կատարվել... Հույս ունեմ, որ բոլոր ասեկոսեները և բանսարկությունները, որ գոյություն ունեն, կփարատվեն: Ինձ համար պարզ է, որ եղել են դավադիր գործողություններ հակառակորդի կողմից: Հայկական կողմից եղել են թերացումներ, որոնք վերլուծվել են ու քաջատեղյակ ենք... Ես ընդհանրապես անկալում եմ, որ մի հատ էդպիսի հանձնաժողով մյուս կողմում լինի»,- ասաց նախարարը: