Ախալցիխե-Թբիլիսի երթուղային միկրոավտոբուսը Բորջոմիի մունիցիպալիտետի Կվաբիսխևի գյուղի մոտ դուրս է եկել ճանապարհի երթևեկելի հատվածից և կողաշրջվել։
«Ազատություն» ռադիոկայանի տարածած տեղեկության համաձայն՝ ավտովթարի պահին երթուղային տաքսիում եղել է 14 ուղևոր։ Նրանցից 8-ը կոտրվածքներով ու կապտուկներով տեղափոխվել են Բորջոմիի Geohospital կլինիկա, այս պահի դրությամբ նրանցից 6-ը դեռ բժիշկների հսկողության տակ են։
«Մեկը կոտրվածքներ ունի, հինգը՝ կապտուկներ, նրանց վիճակը կարելի է միջին ծանրության գնահատել»,- հայտնել է կլինիկայի մենեջեր Իրակլի Դիասամիձեն։
Դեպքը հետաքննվում է 276 հոդվածի երկրորդ մասով, ըստ որի` մեքենան վարող անձը խախտել է ավտոմեքենայի, տրամվայի, տրոլեյբուսի, տրակտորի կամ այլ մեխանիկական տրանսպորտային միջոցի երթևեկության անվտանգության կամ շահագործման կանոնները։
Հանցագործությունը պատժվում է տուգանքով կամ տնային կալանքով՝ վեց ամսից երկու տարի ժամկետով, կամ ազատազրկմամբ՝ առավելագույնը երեք տարի ժամկետով, կամ էլ զբաղեցրած պաշտոնից կամ աշխատելու իրավունքից զրկմամբ՝ առավելագույնը երեք տարի ժամկետով։
Ոստիկանության Իջեւանի բաժանմունք բոլոր բերման ենթարկվածներն ազատ արձակվեցին 
