Նոր մանրամասներ Նավալնու առողջական վիճակից․ նա կապրի՞

Cinema for Peace կազմակերպության հիմնադիր Յակ Բիզիլը, որը կազմակերպել էր Օմսկից ինքնաթիռով Նավալնիի տեղափոխումը Բեռլին, Bild պարբերականին տված հարցազրույցում Ալեքսեյ Նավալնիի առողջական վիճակի մասին կանխատեսում է արել։

Բիզիլի խոսքերով, Նավալնին ողջ կմնա։ Միևնույն ժամանակ մի քանի ամիս նա դեռևս անգործունակ կլինի։

Պարբերականը պնդում է, որ ռուս ընդդիմադիր գործչին թունավորել են: Սակայն ավելի վաղ Առողջապահության նախարարությունը հայտարարել էր, որ անալիզների տվյալները հերքում են վտանգավոր նյութերով թունավորված լինելու հավանականության վերաբերյալ ենթադրությունները: Արյան մեջ չէին հայտնաբերվել օքսիբուտիրատներ, բարբիտուրատներ, ստրիխնին, ջղաձգային կամ սինթետիկ թույներ, այլ միայն՝ ալկոհոլի և կոֆեինի հետքեր։