Առավոտյան ժամը 08:00-ից Կիևում կաշխատեն մթերային խանութներ և երթևեկել մետրոյի գնացքները: Այս մասին հայտարարություն է տարածել Կիևի քաղաքապետարանը: 

Միևնույն ժամանակ նշվում է, որ քաղաքում շարունակվում են փողոցային մարտերը, ուստի քաղաքացիներին խնդրում են զգուշորեն տեղաշարժվել և առանց ծայրահեղ անհրաժեշտության փողոց դուրս չգալ: 

«Ընդհանուր առմամբ այս գիշեր հանգիստ է անցել, եղել են մի քանի բախումներ ու մարտեր դիվերսիոն-հետախուզական խմբերի հետ»,- ասված է հաղորդագրության մեջ: