ՀՀ վարչապետ Նիկոլ Փաշինյանի այցը Գեղարքունիքի մարզ ավարտվել է Գագարինում չնախատեսված կանգառով: Այս մասին Փաշինյանը հայտնել է իր ֆեյսբուքյան էջում ՝ տրապարակելով տեսանյութ:
Գագարինի բնակիչներից մեկը հիացմունքով է դիմավորում Փաշինյանին՝ ասելով, որ մինչեւ վերջնրա կողքին են. «Ցավդ տանեմ, մենք քեզ շատ սիրում ենք, դու արխային, մենք կողքիդ ենք մինչեւ վերջ: Դու մեզ փրկիր»:
Մեկ այլ բնակիչ համայնքի խնդիրներն է ներկայացնում՝ ասելով, որ ֆուտբոլի խաղադաշտում նստարանների խնդիր ունեն, համայնքի գերեզմանոցի ճանապարհը ասֆալտապատ չէ, նաեւ համայնքում շենքերի տանիքները վերանորոգելու խնդիր ունեն:
Փաշինյանին հիացմունքով դիմավորած կինն էլ բողոքեց, որ 30 տարի ապրում է համայնքում, բայց իրենց փողոցում դեռ ասֆալտ չի տեսել. «Ում ասում եմ, ասում են՝ գնա, Նիկոլիդ ասա»:
Մանրամասները՝ տեսանյութում:
«Ցելսիուս» ընկերության փակ միջոցառումը՝ ՈՒԵՖԱ-ի Ֆուտզալի Չեմպիոնների Լիգայի խաղերին ընդառաջ (տեսանյութ) 
