Սիրիան իր տարածքում թուրքական զորքերի ներկայությունը համարում է անօրինական օկուպացիա. Թուրքիան պետք է դուրս բերի իր ռազմական կոնտինգենտը, հակառակ դեպքում երկրների միջև հարաբերությունների կարգավորումն անհնար է: Այս մասին «ՌԻԱ նովոստիին» տված հարցազրույցում ասել է Սիրիայի փոխարտգործնախարար Բասամ ալ Սաբբահը։
Ըստ ալ-Սաբբահի, կան ՄԱԿ-ի Անվտանգության խորհրդի մի շարք բանաձեւեր, որոնք կոչ են անում հարգել Սիրիայի ինքնիշխանությունն ու տարածքային ամբողջականությունը: Բացի այդ, նման հայտարարություններ են արվել նաեւ Աստանայի ձեւաչափի շրջանակներում, որի մաս է կազմում Թուրքիան, նշել է նա։
«Թուրքիան պետք է դուրս բերի իր զորքերը: Մենք, իհարկե, պատրաստ ենք նրանց հետ քննարկել ցանկացած այլ ասպեկտ, բայց նրանք չպետք է պնդեն, որ (զորքերը) մնան։ Սա ապօրինի օկուպացիա է, և այն կխոչընդոտի Թուրքիայի հետ ցանկացած տեսակի շփումներ և հարաբերություններ հաստատելու ցանկացած փորձ»,- ասել է ալ-Սաբբահը։
«Նոայի» անսպասելի պարտությունը Գյումրիում 
