ԱԺ ԲՀԿ խմբակցության քարտուղար Նաիրա Զոհրաբյանն այսօր կայքերից մեկին տված հարցազրույցի ժամանակ ասել էր.«Այո՛, մենք չենք լինելու ընդդիմություն, որը հազարավոր մարդկանց կարող է տանել հնարավոր առճակատման ու գնալ Ծիծեռնակաբերդ»: YerevanNews.am-ը Ժառանգություն կուսակցության փոխնախագահ Արմեն Մարտիրոսյանին խնդրեց, որպեսզի մեկնաբանի այս հայտարարությունը, որն անուղակիորեն վերաբերվում է  Րաֆֆի Հովհաննիսյանի:

-Արդեն ամեն ինչ ասվել վերջացել  է: Արդարացումները և ուրիշի նկատմամբ ինչ-որ ցեխարձակումներն արդեն անիմաստ են : Պարոն Հովհաննիսյանը երբեք չի ասել, որ ազգովի իշխանափոխություն եմ անելու, ուստի թող որևէ այլ բան չասեն: Բախման խնդիր չկար, որովհետև մենք ցանկանում էինք մեր բողոքի խաղաղ ակցիան անեինք: Իշխանությունները բախում իրականացրեցին, որի մի մասն էլ իրենք ևս երկար ժամանակ այս համակարգը կառուցել : Նաև 2008 թվականի մարտի մեկից հետո: Երբևիցե Րաֆֆի Հովհաննիսյանն ընդդիմադիր խաղեր չի տվել, որից հետո հրաժարվել է ասելով, որ ես այլևս այլ ուղությամբ պետք է գնամ: Այնպես որ ամեն ինչ արդեն ասված է, ամեն ինչ արդեն եղել է: Ընտրական փուլն անցել է, արդեն բոլորը եկել են այն կարգավիճակի, որ բնականաբար եղել են: Այլևս խոսքեր ասելու կարիք չկա, ուստի արդարացումներ պետք չեն, նույնիսկ վիրավորելու: Դրանով իրավիճակը չի փոխվելու :

-Պարոն Մարտիրոսյան , որպես «Ժառանգություն» կուսակցության փոխնախագահ ԲՀԿ-ն ինչպիսի՞ քաղաքական ուժ է:

-Իրենք այլընտրանքային են : Ես տեսաբան չեմ, բայց  գիտեմ. կա երկու տեսակի քաղաքական ուժեր՝ ընդդիմադիր և իշխանական: Բնականաբար,  ընդդիմադիր չեն Գագիկ Ծառուկյանն է հայտարարում:  Գումարած դրան, եթե Հայաստանում որևէ մեկն ընդդիմադիր դաշտում է լինում նրա բիզնեսները հաստատ լավ վիճակում չեն լինում : Մենք դեռևս չենք տեսել, որ ԲՀԿ-ի որևէ խոշոր գործարարի բիզնես գործունեությունն անհաջող լինի: Այնպես որ  մնացածն արդեն շատ պարզ հետևություն պետք է անել:

-Պարոն Մարտիրոսյան «Բարև Երևանն» արդեն հայտարարել է, որ վերցնում է Երևանի ավագանու մանդատները: Այսքանից հետո հնարավո՞ր  է համագործակցություն ԲՀԿ-ի հետ:

-Եթե խոսքը խնդիրների համատեղ լուծմանն է վերաբերվում,  մենք բոլորի հետ այդ խնդիրները լուծել ենք: Հինգ տարի Աժ-ում ենք աշխատել, ՀՀԿ-ի հետ էլ ենք խնդիրների լուծել, եթե խոսքը խնդիր լուծելուն է վերաբերվում, ապա մենք բոլորի հետ էլ պատրաստ ենք խնդիր լուծել, բայց եթե քաղաքական խորը համագործակցության մասին է խոսքը, ոչ ընդդիմադիր քաղաքական ուժը ընդդիմադիր քաղաքական ուժի հետ ոնց կարող է խորը քաղաքական համագործակցության մեջ լինել , եթե չլինեն այլ ստվերային ինչ-որ նկրտումներ:

-Այսինքն կոնկրետ խնդիրների լուծման ետ Բարև Երևանը պատրաստ է նաև ինչու չէ ՀՀԿ-ի հետ որոշ հարցերում կոնսենսուսի գա՞լ:

-Կոնսենսուսի գալ չէ: ժողովուրդ ջան դուք լրիվ խառնում եք իրար տերմինները: Իրենք դե ֆակտո իշխանություն են: Խնդիրը, երբ որ առաջանում է ցանկացած դեպքում դա մեծամասնությունն է չէ, որ ինչ-որ իրավական խնդրում տալիս իր որոշումներումը  կամ իր, եթե գործադիրն էլ իրենցն է, բնականաբար,  գործադիր քայլերով : Հիմա,  եթե այդ խնդիրը համատեղ լուծվել է,  մենք բարձրացրել ենք, հետևաղական ենք եել, իրենք ընդունել են, որ սենց խնդիր կա, լուծումները մենք առաջարկել ենք՝  իրենք ընդունել են : Դա ձեր համար դառնում է համագործակցություն ու այդ համագործակցությունը ձեր համար դառնում է եսիմ ինչ բառ: Սա համագործակցություն չի, սա նորմալ աշխատանքային պրոցես է:

 

Զրուցեց Տիրայր Մուրադյանը