Ռուսաստանում դատապարտված Հայաստանի քաղաքացի Հրաչյա Հարությունյանի արտահանձնման գործընթացը սկսվել է: Այս մասին հուլիսի 11-ին կայացած ասուլիսում հայտնեց արդարադատության փոխնախարար Սուրեն Քրմոյանը:
Նա հիշեցրեց, որ ռուսական դատարանի վճիռն ուժի մեջ է մտել, Հարությունյանի ներքին տեղափոխման գործընթացը սկսվել է:
Փոխնախարարի խոսքով՝ Հայաստանի արդարադատության նախարարությունը ռուսաստանցի գործընկերների հետ ջանքեր է գործադրում, որպեսզի գործընթացը հնարավորինս կարճ ժամանակում ավարտվի: Սակայն հստակ ժամկետ Քրմոյանը չի նշել:
Հիշեցնենք, որ Հրաչյա Հարությունյանը 6 տարի 9 ամիս ժամկետով ազատազրկման է դատապարտվել: 2013 թվականի հուլիսին Հրաչյա Հարությունյանը Պոդոլսկի մերձակայքում բեռնատարով բախվել է ուղեւորատար ավտոբուսին, ինչի հետեւանքով 18 մարդ է զոհվել, ավելի քան 60 մարդ տարբեր աստիճանի վնասվածքներ է ստացել:
Բախումներ հրահրողներն էլ եք դուք, պատերազմ բերած մարդիկ էլ. Բագրատ Սրբազան 
