Այսօր՝ օգոստոսի 24-ի կեսգիշերին, անհայտ անձի կողմից դանակահարվել է Ոստիկանության Երեւան քաղաքի վարչության պարեկապահակային ծառայության գնդի հրամանատարի տեղակալ, Ոստիկանության մայոր Հակոբ Մկրտչյանը:
Shamshyan,com-ի փոխանցմամբ, վերջինս Մասիսի հիվանդանոց է տեղափոխվել եղբոր կողմից եւ պարզվել է, որ նա գտնվում է ծայրահեղ ծանր վիճակում։
Վիրահատությունը տեւել է մի քանի ժամ, եւ բժիշկները հեռացրել են նրա փայծաղը եւ վիրահատել են թոքը։
Աղբյուրի տեղեկություններով՝ դեպքը տեղի է ունեցել Նորագավիթում, որտեղ վիճաբանություն է տեղի ունեցել, երբ Հ. Մկրտչյանը փորձել է կանխել վիճաբանությունը եւ այդ ժամանակ դանակահարվել է։
Նա վերջերս է ՀՀ Ոստիկանության պետ, Ոստիկանության գեներալ-գնդապետ Վլադիմիր Գասպարյանի հրամանով նշանակվել նշված պաշտոնին։ Մինչ այդ, այդ պաշտոնում աշխատում էր Արթուր Վանոյանը, ով սպանվել էր ՊՊԾ գունդը «Սասնա Ծռեր»-ի անդամների կողմից գրավելու ժամանակ:
Բախումներ հրահրողներն էլ եք դուք, պատերազմ բերած մարդիկ էլ. Բագրատ Սրբազան 
