Հայաստանի հավաքականի եզրային պաշտպան Լևոն Հայրապետյանը 1 տարվա պայմանագիր կնքեց լեհական «Վիձևի» հետ: Այս մասին armsport.am-ը տեղեկացավ անձամբ ֆուտբոլիստից:

«Պայմանագիրը կնքել ենք 1+1 տարբերակով: Այժմ սպասում ենք տրանսֆերին: Եթե ամեն ինչ հաջող ընթացավ, ապա վաղը կկարողանամ մասնակցել «Լեգիայի» հետ առաջնության առաջին տուրի խաղին»,-armsport.am-ի հետ զրույցում ասաց Հայրապետյանը:

Լևոն Հայրապետյանը նշեց նաև, որ «Վիձևի» առաջ խնդիր է դրված պահպանել տեղը բարձագույն խմբում:

Հիշեցնենք, որ 24-ամյա ֆուտբոլիստը հանդես էր գալիս լեհական մեկ այլ թիմում` Գդանսկի «Լեխիայում»: